Hindistanda uşaq evlərinə verilən və daha sonra Niderlandda fərqli himayədar ailələr tərəfindən övladlığa götürülən iki qadın illər sonra bioloji bacı olduqlarını öyrəniblər.

Far.Az xarici mediaya istinadən xəbər verir ki, 43 yaşlı Meena Geltink və 44 yaşlı Minal Tijssen bir-birindən xəbərsiz şəkildə Niderlandın müxtəlif şəhərlərində böyüyüblər. Onlar 1996-cı ildə övladlığa götürülmüş uşaqlar üçün keçirilən tədbirdə tanış olublar.

Fiziki oxşarlıqları və aralarındakı güclü bağ səbəbilə yaxın dost olan Meena və Minal bir-birlərinə zarafatla "bacı" deyə müraciət ediblər. Lakin sonradan əlaqələri kəsilib və 15 il ərzində görüşməyiblər.

Bu ilin aprelində keçirilən DNT testi nəticəsində onların bioloji bacı olduğu 100 faiz uyğunluqla təsdiqlənib.

Minal telefonuna gələn bildirişdə "bacı" sözünü gördükdə böyük təəccüb yaşadığını bildirib. Daha sonra sosial şəbəkələrdəki fotolardan bacısının illər əvvəlki uşaqlıq dostu Meena olduğunu müəyyənləşdirib.

Meena isə görüşdən sonra özünü "evindəki kimi" hiss etdiyini deyib. Bacılar həqiqəti öyrəndikləri gündən etibarən hər gün əlaqə saxlayırlar.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Media nümayəndələri Bakı Olimpiya Stadionunda WUF13-lə bağlı görülən işlərlə tanış olublar

Leyla Əliyeva, Arzu Əliyeva və Alyona Əliyeva "Təmiz Dünya" sığınacağındakı uşaqların bayram sevincinə şərik olublar

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib