Güclü leysan yağışlarının yağması nəticəsində Şəki rayonundan keçən dağ çaylarında suyun səviyyəsi artıb.

"Report"un Şimal-qərb bürosunun məlumatına görə, sel suları nəticəsində dağlıq ərazilərdən lil və çınqıl kütləsi Kiş kəndindən yuxarıda yerləşən istirahət mərkəzlərinə gedən avtomobil yoluna tökülüb.

Nəticədə yolda hərəkət məhdudlaşıb. Bir neçə avtomobil lilə batıb, lakin sakinlərin köməyi ilə ərazidən çıxarılıb.

Hazırda ərazidə ağır texnikanın köməyi ilə yolun təmizlənməsi istiqamətində işlər aparılır. İstirahət mərkəzlərində olan vətəndaşların isə yolsuzluq şəraitinə uyğun avtomobillərlə keçidi təmin olunub.

Oxşar xəbərlər

Leyla Əliyeva və Arzu Əliyeva Şəkidə tarixi-memarlıq abidələrinin bərpadan sonra açılışında iştirak ediblər

Lənkərançayda suyun səviyyəsi artıb - qabaqlayıcı tədbirlər görülür

Şimal-qərb bölgəsində leysan yağışları olub, dolu düşüb

Şəkidə "Ümummilli Lider Heydər Əliyev və Azərbaycanın mədəniyyət dəyərləri" mövzusunda tədbir keçirilib

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib