ABŞ Silahlı Qüvvələrinin Mərkəzi Komandanlığı (CENTCOM) öz tarixində ilk dəfə zərbə pilotsuz uçuş aparatlarının tətbiqi üzrə çoxmillətli "Task Force Falcon Strike" qrupunun yaradıldığını elan edib.

Far.Az "Report"a istinadən xəbər verir ki, bu barədə CENTCOM-un "X" sosial şəbəkəsindəki məlumatında deyilir.

Qeyd olunub ki, bölmə havada, suda və su altında fəaliyyət göstərən birtərəfli fəaliyyətli zərbə pilotsuz sistemlərini tətbiq edəcək. Onun tərkibinə Amerika hərbi qulluqçuları, eləcə də ABŞ-nin Yaxın Şərqdəki tərəfdaş ölkələrinin nümayəndələri daxil olacaq.

"Task Force Falcon Strike" regional müttəfiqlərimizin və tərəfdaşlarımızın nəhəng innovasiyalarını nəzərə alaraq "Task Force Scorpion Strike"ın uğurunu davam etdirəcək. Yeni imkanlarımızın inteqrasiyası və birgə yerləşdirilməsi bizə yeni məqsədləri sürətlə reallaşdırmağa kömək edəcək", - CENTCOM komandanı Bred Kuper bildirib.

Kuperin sözlərinə görə, ABŞ artıq regional tərəfdaşlarla məsləhətləşmələrə başlayıb və onlar qoşulduqca yeni qrupun imkanları genişlənərək regionda vahid çoxmillətli çəkindirmə sistemini formalaşdıracaq.

Qeyd edək ki, "Task Force Scorpion Strike" doqquz ay əvvəl yaradılıb və Yaxın Şərqdə ilk ixtisaslaşdırılmış zərbə pilotsuz uçuş aparatları eskadrilyası olub.

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

DİN-in hərbi qulluqçuları və polis əməkdaşları Zəfər parkını ziyarət ediblər

Xatirə İslamdan qarlı havada FOTOSESSİYA

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2