Mərkəzi Asiyanın Qazaxıstan, Qırğızıstan, Tacikistan və Özbəkistanında elektrik enerjisinin verilişində fasilələr yaranıb.

BAKU.WS xarici mediaya istinadən xəbər verir ki, kəsintilər təxminən eyni vaxtda qeydə alınıb.

Özbəkistanın Energetika Nazirliyi bildirib ki, qonşu ölkələrdən birinin elektrik şəbəkəsində baş verən qəza Mərkəzi Asiyanın vahid enerji sisteminə təsir göstərib. Nəticədə ölkənin Surxandərya vilayətinin bəzi ərazilərində elektrik enerjisinin verilişi dayandırılıb. Qəzanın hansı ölkədə baş verdiyi açıqlanmayıb.

Qazaxıstanda isə 500 kilovoltluq üç elektrik xəttində fasilə yaranıb. Bu səbəbdən Almatı vilayətinin bir sıra rayonları işıqsız qalıb.

Tacikistanın paytaxtı Düşənbə və digər şəhərlərdə də elektrik kəsintiləri müşahidə olunub. Eyni vəziyyət Qırğızıstanın paytaxtı Bişkekin bəzi ərazilərində də yaşanıb.

Aidiyyəti qurumlar hazırda bərpa işləri aparır. Elektrik enerjisinin mərhələli şəkildə yenidən verilməsi gözlənilir.

Oxşar xəbərlər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Tacikistan səfiri: Düşənbə və Bakı münasibətləri keyfiyyətcə yeni səviyyəyə yüksəlib

Prezident İlham Əliyev Bakı Enerji Həftəsinin rəsmi açılış mərasimində iştirak edib

Tacikistan səfiri: Düşənbə və Bakı münasibətləri keyfiyyətcə yeni səviyyəyə yüksəlib - MÜSAHİBƏ

Azərbaycan Prezidenti İlham Əliyev Qazaxıstanda dövlət səfərindədir