ABŞ İrana qarşı zərbələrin bərpasını istisna etmir, lakin iqtisadi təzyiqi Tehrana təsir edən ən effektiv vasitə hesab edir.

"Far.Az" xəbər verir ki, bunu ABŞ-nin müdafiə naziri Pit Heqset deyib.

Viskonsin ştatının Oşkoş şəhərində jurnalistlər qarşısında çıxış edən Heqset ABŞ-nin İrana hücumlarının fasilədə olmadığını söyləyib. "Zərbələrə ehtiyacımız olsa, onları endirəcəyik. Əgər İran o dərəcədə səhv edib, öz imkanlarını yenidən qiymətləndirsə və ya ABŞ Silahlı Qüvvələri ilə toqquşsa, biz lazım olanı edəcəyik", - nazir deyib.

Onun sözlərinə görə, hazırda İrana ən çox ziyan vuran iqtisadi təzyiqdir. Heqset qeyd edib ki, ABŞ Hörmüz boğazında və İran ətrafında hədəflərə zərbə vurmaq imkanından imtina etmir. Pentaqon rəhbəri həmçinin qeyd edib ki, Vaşinqtonun fikrincə, Tehran üçün yeganə seçim ABŞ Prezidenti Donald Trampın istədiyi nüvə proqramı üzrə danışıqlar olaraq qalır.

Xatırladaq ki, bundan əvvəl ABŞ-ın maliyyə naziri Skott Bessent Tehranın gəlir mənbələrini tamamilə bloklamaq üçün İrana qarşı sanksiyaları əhəmiyyətli dərəcədə sərtləşdirməyi planlaşdırdığını bildirmişdi. O, həmçinin ABŞ dollarına çıxışının məhdudlaşdırılmasına qədər yeni məhdudiyyətlərə riayət etməkdən imtina edəcək ölkələrə qarşı ikinci dərəcəli sanksiyaların tətbiqi barədə xəbərdarlıq edib.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

"AzerGold" QSC jurnalistlər üçün növbəti təlim və mediatur təşkil edib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN