Paleontoloqlar Çinin şimalında təxminən 550 milyon il əvvəl mövcud olmuş çoxhüceyrəli orqanizmlər və bakteriyalar arasında ən qədim simbiozun sübutlarını aşkar ediblər.

"Far.Az" xəbər verir ki, bu barədə PNAS elmi jurnalında dərc olunmuş məqalədə bildirilir.

Alimlər Ediakar dövrünün sonunda yaşamış "Conotubus" cinsinə aid orqanizmlərin daşlaşmış qalıqlarını araşdırıblar. Qalıqlar Çinin Şansi əyalətindəki çöküntülərdə tapılıb.

İndiana Universitetinin professoru Liza Prattın rəhbərlik etdiyi tədqiqatçılar fosillərdə qeyri-adi dərəcədə aşağı səviyyəli molibden-98 izotopu aşkar ediblər. Oxşar səviyyə hidrotermal mənbələrin yaxınlığında yaşayan və bakteriyalarla simbiotik əlaqə yaradan müasir poqonofor qurdları üçün xarakterikdir.

Kükürd izotoplarının təhlili də göstərib ki, qədim orqanizmlərdəki bakteriyalar kükürd birləşmələrini oksidləşdirə və bu müddətdə ayrılan enerjidən qida istehsalı üçün istifadə oluna bilər.

Alimlərin fikrincə, bu tapıntılar göstərir ki, çoxhüceyrəli orqanizmlər və bakteriyalar arasında simbiotik əlaqələr Yer kürəsində azı 550 milyon il əvvəl yaranıb.

Oxşar xəbərlər

Prezident İlham Əliyev Əfv Sərəncamı imzalayıb

Adi mumdan qeyri-adi sənət nümunələri yaradan azərbaycanlı ustad

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Vətən müharibəsində Qələbənin beşinci ildönümünə həsr olunmuş Hərbi parad keçirilib