Yevlaxda yanacaqdoldurma məntəqəsində yanğın hadisəsi baş verib.

BAKU.WS APA-ya istinadən xəbər verir ki, hadisə "TOT Oil" yanacaqdoldurma məntəqəsində qeydə alınıb.

Belə ki, "Toyota Corolla" markalı, 77-FE-478 dövlət qeydiyyat nişanlı avtomobilə yanacaq doldurulan zaman nəqliyyat vasitəsinin yanacaq çənində yanğın baş verib.

Yanğın nəticəsində avtomobilin yanar hissələri, eləcə də yük yerində olan 8 ədəd 20 litrlik plastik və dəmir qabdakı yanacaq yanıb. Yüksək temperaturun təsirindən yanacaqpaylayıcı kolonkanın idarəetmə lövhəsi də qarsalanıb.

Hadisə zamanı avtomobilin sürücüsü qol nahiyəsindən yanıq xəsarəti alıb. O, təcili tibbi yardım briqadasına təhvil verilib.

Faktla bağlı araşdırma aparılır.

Oxşar xəbərlər

"Torqovı"da GÜCLÜ YANĞIN nəzarət altına alınıb, xəsarət alan var

Leyla Əliyevanın iştirakı ilə Yevlaxda abadlaşdırılmış məhəllə sakinlərin istifadəsinə verilib

Leyla Əliyevanın təşəbbüsü ilə icra olunan "Gənc arıçı" layihəsi Yevlaxda uğurla yekunlaşıb

Prezident Naxçıvanda elektrik mühərrikli yeni avtobuslara baxıb, dəmir yolu infrastrukturunda aparılan yenidənqurma işləri ilə tanış olub

20 su emalı müəssisəsində mikrobioloji çirklənmə aşkarlanıb