Gürcüstanın İmereti bölgəsində yerləşən Bağdati bələdiyyəsində güclü yağış nəticəsində yollar, evlərin həyətləri və əkin sahələri su altında qalıb.

"Report"un Gürcüstan bürosu xəbər verir ki, bu barədə Bağdati Bələdiyyəsi məlumat yayıb.

Bildirilib ki, yağış həm Bağdati şəhərində, həm də bələdiyyəyə daxil olan kəndlərdə yollara ziyan vurub.

Hazırda meriyanın aidiyyəti şöbələri, Bağdati Bələdiyyəsinin İctimai İşlər Departamentinin, təmizlik və kommunal xidmətlərin əməkdaşları gücləndirilmiş rejimdə fəaliyyət göstərirlər.

Bələdiyyə meri, müavinləri, Sakrebulonun sədri və ərazi nümayəndələri yağışdan zərər çəkən sakinlərin vəziyyəti ilə tanış olur və onlara yardım göstərirlər.

Güclü yağışın vurduğu ziyanın həcmini müəyyənləşdirmək üçün xüsusi komissiya yaradılacaq.

Meriyanın yaydığı açıqlamada sakinlərə ehtiyatlı olmaq və zərurət yaranmadıqca evdən çıxmamaq tövsiyə olunub.

Oxşar xəbərlər

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Güclü yağışdan sonra Bakıda genişmiqyaslı daxili iməcilik keçirilib

8 noyabr prospektində yağışın yaratdığı fəsadlar aradan qaldırılır

Tuapsedə PUA hücumundan sonra "qara yağış" canlılara ZƏRƏR VURUB

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub