"Sabah" UEFA Çempionlar Liqasının əsas mərhələsinin oyunlarından həzz almalıdır.

Bunu "Report"a açıqlamasında Azərbaycan millisinin sabiq baş məşqçisi Şahin Diniyev deyib.

60 yaşlı mütəxəssis ölkə çempionunun turnirdəki rəqiblərini dəyərləndirib:

"Top-klublarla oyunlarda hansısa şansdan danışmaq düzgün deyil. Liqa mərhələsində "Sabah"ın işi olduqca çətin olacaq. Komanda artıq öz missiyasını yerinə yetirib. Sadəcə, UEFA Çempionlar Liqasının əsas mərhələsinin oyunlarından həzz almalı və təcrübə toplamalıdır".

Ş.Diniyevin sözlərinə görə hər komandadan xal almaq şansı var:

"Sabah"ın bu cür klubları Bakıya gətirməsi özü bir uğurdur. Klubların adlarına, səviyyəsinə və büdcələrinə baxanda, şanslar barədə danışmaq çətin olur. Amma Liqa mərhələsində xallar qazana bilərik. Çexiyanın "Slaviya", Norveçin "Vikinq" komandaları ilə başabaş oynaya bilərik. Evdə hansısa oyun uğurlu alına bilər. Çünki bəzən top-komandalar rotasiya edirlər. "Sabah"a qarşı oyunda bəzi oyunçulara istirahət verə bilərlər".

Xatırladaq ki, "Sabah" UEFA Çempionlar Liqasının Liqa mərhələsində "Barselona" (İspaniya), "Borussiya" (Dortmund, Almaniya), "Napoli" (İtaliya) və "Slaviya" (Çexiya) ilə Bakıda üz-üzə gələcək. Ölkə çempionu "Arsenal", "Mançester Yunayted" (hər ikisi İngiltərə), "Vilyarreal" (İspaniya) və "Vikinq"lə (Norveç) səfərdə qarşılaşacaq.

Oxşar xəbərlər

Monreal Protokolu ilə müəyyən olunmuş tənzimlənən ozondağıdıcı maddələrin siyahısı yenilənib

"Oracle Advisory Group" parlament seçkilərində "exit poll"un nəticələrini açıqlayıb

SWG SPA təşkilatı Azərbaycan Milli Məclisinə keçirilən seçkilərin "exit-poll" nəticələrini açıqlayıb

Leyla Əliyevanın təşəbbüsü ilə uşaq evlərinin komandaları arasında növbəti minifutbol turniri təşkil olunub

Sosioloji Tədqiqatlar Mərkəzi növbədənkənar parlament seçkilərində “exit-poll”un nəticələrini açıqlayıb