İran qonşu ölkələr və Yaxın Şərq respublikaları ilə yaxşı münasibətlər istəyir və Misirlə heç bir ixtilafın olmadığını bildirir.

"Report" "Tasnim"ə istinadən xəbər verir ki, bunu İranın xarici işlər naziri Abbas Əraqçi Tehranda keçirilən Beynəlxalq İslam Vəhdəti Konfransında deyib.

"Biz bütün İslam ölkələri, xüsusən də qonşu ölkələrlə yaxşı münasibətlərin tərəfdarıyıq. Bütün İslam ölkələri ilə daha geniş iqtisadi əlaqələr qurmaq istəyirik, hamısı ilə geniş münasibətlərimiz var", - o bildirib.

Əraqçinin sözlərinə görə, İran qonşu ölkələrlə mehriban qonşuluq münasibətləri istəyir: "Livanda bütün qrup və fraksiyalarla, Livan hökuməti ilə yaxşı münasibətlərə hazırıq, əlbəttə ki, bu hökumətin bəzi siyasətlərini bəyənmirik, ümid edirik ki, Livan Xarici İşlər Nazirliyi daha çox rasionallıq nümayiş etdirəcək".

İran XİN başçısı bildirib ki, Tehran Afrika ölkələri ilə yaxşı münasibətlərə sahibdir və daha geniş əlaqələrin qurulmasını hədəfləyib.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN