Bərgüşadçay su anbarının tikintisinin ikinci mərhələsi çərçivəsində yeni iri layihə icra olunacaq.

Far.Az-in əldə etdiyi məlumata görə, layihəni Tikilməkdə Olan Obyektlərin Müdiriyyəti həyata keçirəcək.

130,37 milyon manat sərf olunacaq layihə çərçivəsində əsas işlərdən biri uzunluğu təxminən 18 kilometr olan, diametri 2,6 metr təşkil edən böyük polad su kəmərinin çəkilməsidir. Boru xəttinin müxtəlif hissələrində xəndəklərin qazılması, boruların quraşdırılması, izolyasiya işləri, əks doldurma və sınaqların aparılması nəzərdə tutulur.

Bundan başqa, layihə üzrə su kəmərinin keçəcəyi ərazilərdə istismar yolunun salınması, boruların alt hissəsinin qum-çınqıl qatları ilə hazırlanması və ərazinin əvvəlki vəziyyətinə gətirilməsi kimi işlər də həyata keçiriləcək.

Qeyd edək ki, layihənin həyata keçirilməsi nəticəsində Bərgüşadçay su anbarından təsərrüfatlara suvarma suyunun daha səmərəli çatdırılması təmin edilə, kənd təsərrüfatında su təminatının yaxşılaşdırılmasına və əkin sahələrinin suvarılma imkanlarının genişləndirilməsinə şərait yarana bilər.

Oxşar xəbərlər

İlham Əliyevin sədrliyi ilə Bakı və Abşeronda su təchizatına dair Dövlət Proqramına həsr olunan müşavirə keçirilib - YENİLƏNİB

Prezident İlham Əliyevin sədrliyi ilə kənd təsərrüfatı məsələlərinə həsr olunmuş müşavirə keçirilib

Bakıda kosmetoloji vasitələrin satışı anbarının fəaliyyəti dayandırılıb

Zaur Mikayılov: "Dövlət Proqramının real nəticələrini insanlar 2029-cu ildən hiss edəcəklər" - MÜSAHİBƏ

Zaur Mikayılov: "Dövlət Proqramının real nəticələrini insanlar 2029-cu ildən hiss edəcəklər"