Gürcü jurnalist Dato Liklikadze Bakının inkişafını yüksək qiymətləndirib və Zəfər Muzeyində gördüklərinə heyran qaldığını bildirib.

"Far.Az" xəbər verir ki, o bu barədə Bakıda jurnalistlərə bildirib.

"Mən Bakıya ilk dəfə gəlmirəm. Mən bu şəhəri və Azərbaycan xalqını sevirəm, bu barədə dəfələrlə demişəm", - D.Liklikadze bildirib.

Onun sözlərinə görə, Gürcüstanın media nümayəndə heyətinin Azərbaycana səfəri ilə bağlı zəngin proqram hazırlanıb: "Bizim üçün muzeyin və bir çox maraqlı eksponatın yerləşdiyi Heydər Əliyev Mərkəzinə baş çəkmək də daxil olmaqla, çox yaxşı proqram hazırlayıblar".

O, həmçinin Azərbaycanın infrastrukturunun yüksək inkişaf səviyyəsini qeyd edib: "Gecə biz yolları və aeroportları gördük. Ölkənin infrastrukturunun inkişafında həqiqətən də heyranedici nəticələrə nail olunub".

Qarabağa qarşıdakı səfərindən danışarkən jurnalist qeyd edib ki, Bakıda gördükləri onda böyük təəssürat yaradıb: "Bizim də işğal olunmuş ərazilərimiz var və bu gün Bakıda, Zəfər Muzeyində gördüklərim həqiqətən də təsiredicidir".

Oxşar xəbərlər

Bakıda Zəfər muzeyinin açılışı olub

Bakıdakı hərbi paraddan maraqlı FOTOLAR

Azərbaycan Milli Xalça Muzeyində "Zamanın naxışları" moda nümayişi təşkil olunub

Şahi-Zində və Uluqbəy rəsədxanası mediaforum nümayəndələrini heyran edib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3