Avqustun 29-da Ağdaş rayonu ərazisində Qəbələ-Bakı marşrutu üzrə hərəkət edən sərnişin qatarı 1995-ci il təvəllüdlü Bədəl Məzahir oğlu Kərimlini vurub. Bədbəxt hadisə nəticəsində həyatını itirən Vətən müharibəsi iştirakçısı barədə yeni detallar məlum olub.

Baku TV-nin məlumatına görə, həmin gün Bədəl Kərimli otlaq sahələrinə heyvanlarını gətirmək üçün gedirmiş.

"Otlaq sahələri orada imiş. Gedibmiş ki, heyvanlarını gətirsin. Orada da bu hadisə baş verib. Özümüz də şokdayıq. 44 günlük Vətən Müharibəsinin iştirakçısıdır. Evin tək uşağı olub. Nə bacısı var, nə qardaşı. Özümüz də xeyir işə hazırlaşırdıq", - mərhumun qohumu deyib.

"Kəndin yaxınlığında dəmir yolu xətti keçir. Onun o biri tərəfindəki torpaqlardan örüş sahəsi kimi istifadə olunur. Heyvanlarını da səhər oraya aparıb, axşam da gətirirlər. Hadisə də həmin vaxt olub", - deyə kənd sakini bildirib.

Xatırladaq ki, Vətən müharibəsi iştirakçısı olan Bədəl Kərimli "Xocavəndin azad olunmasına görə" və "Ağdamın azad olunmasına görə" medalları ilə təltif edilib. Mərhum ailənin tək övladı idi.

Oxşar xəbərlər

Şəhid olmuş bir qrup hərbi qulluqçu və mülki işçi ölümündən sonra təltif olunub

Vətən müharibəsində Qələbənin beşinci ildönümünə həsr olunmuş Hərbi parad keçirilib

Ağdaşda faciə: Vətən müharibəsi iştirakçısı qatarın altında qalaraq öldü

Silahlı Qüvvələrin bir qrup hərbi qulluqçu təltif edilib

Doğulanda həkimin əlindən düşən, övladını itirən, depressiyadan çıxa bilməyən, 35 yaşında vəfat edən Ece İrtemin HEKAYƏSİ