ABŞ-nin hazırkı mərhələdə Rusiyaya qarşı yeni sanksiyalar tətbiq etməsi Rusiya-Ukrayna münaqişəsinin həlli istiqamətindəki səylərə mane ola bilər.

"Report" xəbər verir ki, bu barədə Ağ Evin rəsmi nümayəndəsi Teylor Rocers yeni qanunda nəzərdə tutulan anti-Rusiya tədbirlərinin tətbiqi ehtimalını şərh edərkən bildirib.

Onun sözlərinə görə, sanksiya müddəalarının hazırda qüvvəyə minməsi ABŞ-nin Rusiya ilə Ukrayna arasında davamlı və hərtərəfli sülh sazişinə nail olmaq üçün apardığı danışıqlara maneə yarada bilər.

"Prezident bu tədbirlərin ABŞ-nin milli maraqlarına uyğun olduğunu hesab edərsə, onları istənilən vaxt tətbiq etmək imkanını saxlayır", - Rocers qeyd edib.

Teylor Rocers əlavə edib ki, ABŞ Prezidenti Donald Tramp Rusiya-Ukrayna münaqişəsinə son qoymaq istədiyini dəfələrlə bəyan edib: "Yeni qanun ABŞ prezidentinə danışıqlar davam etdikcə sülh yolu ilə nizamlanmaya nail olmaq üçün istifadə edə biləcəyi əlavə səlahiyyətlər verir".

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Prezident İlham Əliyev Bakı Enerji Həftəsinin rəsmi açılış mərasimində iştirak edib

Teylor Svift evləndi

Bakıda İlham Əliyevin iştirakı ilə "Yeni dünya nizamına doğru" mövzusunda beynəlxalq forum keçirilib

ABŞ Prezidenti Donald Trampın təşəbbüsü ilə yaradılan Sülh Şurası təsis edilib