Türkiyənin İstanbul şəhərində yanğın baş verib, 42 nəfər tüstüdən zəhərlənib.

"Report" xəbər verir ki, bu barədə "Haber Global" məlumat yayıb.

İstanbulun Esenyurt rayonunda bir yaşayış kompleksinin dayanacağında baş verən yanğın 28 mərtəbəli binaya keçib, 42 nəfər tüstüdən zəhərlənib.

"Yanğın saat 19.15 radələrində Yeşilkent məhəlləsində baş verib. İddiaya görə, bir yaşayış kompleksinin dayanacağındakı avtomobil hələlik məlum olmayan səbəbdən alışıb, yanğın qısa müddətdə 28 mərtəbəli binaya keçib", - məlumatda bildirilib və əlavə edilib ki, Fəlakət və Fövqəladə Halların İdarə olunması Agentliyinin (AFAD) qrupları əraziyə cəlb olunub.

Bundan sonra yanğın söndürülüb:

"Tüstüdən təsirlənən şəxslərin bəzilərinə ayaqüstü tibbi yardım göstərilib, bəziləri isə hadisə yerindəki ilk müdaxilədən sonra təcili yardım maşını ilə xəstəxanaya aparılıb. Qrupların işlərini tamamlamasının ardınca binada yaşayan şəxslər evlərinə qayıdıblar. Yanğının baş vermə səbəbi ilə bağlı araşdırmaya başlanılıb".

Oxşar xəbərlər

İlham Əliyev Ağdamda 2-ci yaşayış kompleksinin açılışında iştirak edib

Lökbatanda anbardakı yanğının söndürülməsinə 2 helikopter cəlb olunub - YENİLƏNİB-4

İlham Əliyev Zəngilanda inşa olunmuş ilk yaşayış kompleksinin açılışında iştirak edib

İstanbulda soydaşlarımız üçün Ramazan ayı münasibətilə iftar mərasimi təşkil edilib

Prezident İlham Əliyev Yevlax Olimpiya İdman Kompleksinin açılışında iştirak edib