Gürcüstanın "Dzveli Qalaqi" ("Köhnə şəhər") radiosunun aparıcısı Dato Liklikadze Qarabağa səfəri çərçivəsində bölgədə aparılan bərpa və quruculuq işlərini yüksək qiymətləndirib.

"Report"un Xankəndiyə ezam olunan əməkdaşı xəbər verir ki, bu, onun Qarabağa ikinci səfəridir.

"Üç il əvvəl Şuşada olarkən yüksəklikdən Xankəndiyə baxıb bir gün bu şəhərə səfər edəcəyimi demişdim. Tanrı arzumu eşitdi", – o qeyd edib.

Jurnalist səfər çərçivəsində Ağdamda da olduqlarını, şəhərin yenidən qurulmasının və müasir infrastrukturun yaradılmasının onda böyük təəssürat yaratdığını söyləyib.

"Dağıntılar arasında çox gözəl və müasir şəhərin salındığının şahidi olduq. Xankəndinin infrastrukturu, yeni stadionu və gözəl mehmanxanaları məni valeh edib", – D. Liklikadze vurğulayıb.

O, səfər iştirakçılarının Zəfər tağına qalxaraq burada yerləşən muzeylə tanış olduqlarını da bildirib.

Jurnalist qeyd edib ki, hazırda Qarabağda genişmiqyaslı bərpa və quruculuq işləri həyata keçirilir və region sürətlə yenidən qurularaq inkişaf edir.

Oxşar xəbərlər

İlham Əliyev Ağdamda 2-ci yaşayış kompleksinin açılışında iştirak edib

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub

Bakıda Zəfər muzeyinin açılışı olub

Prezident İlham Əliyev Xankəndi şəhərində Zəfər parkının açılışında iştirak edib

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub