Fövqəladə Hallar Nazirliyinin Sənayedə İşlərin Təhlükəsiz Görülməsi və Dağ-Mədən Nəzarəti Dövlət Agentliyi Füzuli rayonunun 1 Nömrəli Qayıdış qəsəbəsində fəaliyyət göstərən İbişov Taryel Kazım oğluna məxsus yanacaqdoldurma məntəqəsinin istismarı dayandırılıb.

Bu barədə "Far.Az"a Fövqəladə Hallar Nazirliyindən məlumat verilib.

Bildirilib ki, məntəqədə plan üzrə yoxlama aparılıb, yoxlama zamanı məntəqədə insan həyatı və sağlamlığı üçün təhlükə yaradan pozuntular aşkarlanıb.

Aşkar olunan pozuntuların dərhal aradan qaldırılmasının mümkün olmadığı və insan həyatı və sağlamlığı üçün yaratdığı təhlükə nəzərə alınaraq, məntəqənin istismarı dayandırılıb və pozuntuların aradan qaldırılması üçün tərtib olunmuş aktın bir nüsxəsi sahibkara təqdim edilib.

Bununla yanaşı, texniki təhlükəsizliklə bağlı obyekt sahibi ilə profilaktik söhbət aparılıb, aşkarlanmış pozuntuların aradan qaldırılması üçün müvafiq tövsiyələr verilib.

Füzulidə yanacaqdoldurma məntəqəsinin istismarı dayandırılıb

Oxşar xəbərlər

Nazirlik bu yanacaqdoldurma məntəqəsinin fəaliyyətini dayandırdı

Ağdam və Füzulidə Heydər Əliyevin 103-cü ildönümünə həsr olunan tədbirlər keçirilib

FHN yanacaqdoldurma məntəqəsində pozuntu aşkar edib

Qanunsuz işləyən maye qazdoldurma məntəqəsinin istismarı FHN tərəfindən dayandırılıb

Beyləqanda yanacaqdoldurma məntəqəsinin fəaliyyəti dayandırılıb