Gürcüstanın Telavi bələdiyyəsinin Tsinandali kəndində Azərbaycan nümayəndələrinin də qatıldığı VIII Tsinandali klassik musiqi festivalı keçirilir.

"Far.Az"un Gürcüstan bürosu xəbər verir ki, sentyabrın 13-dək davam edəcək festival çərçivəsində 23 konsert keçiriləcək.

Festivalın ilk günündə məşhur skripkaçı Lisa Batiaşvili və maestro Gianandrea Nosedanın dirijorluğu ilə Pan-Qafqaz Gənclər Orkestrinin konserti baş tutub. Proqramda Karol Şimanovskinin Birinci skripka konserti və Nikolay Rimski-Korsakovun "Şəhrizad" simfonik süitası səsləndirilib.

Qeyd edək ki, 2019-cu ildə yaradılan Pan-Qafqaz Gənclər Orkestrinə musiqiçilər hər il qonşu ölkələrdən müsabiqə əsasında seçilir. 2026-cı ildə orkestrdə Azərbaycan, Ermənistan, Qazaxıstan, Gürcüstan, Moldova, Türkiyə, Türkmənistan, Ukrayna və Özbəkistandan gənc musiqiçilər təmsil olunur.

Orkestr festival çərçivəsində 4 konsertlə çıxış edəcək. Ümumilikdə builki festivala 300-dən çox musiqiçi qatılıb.

Oxşar xəbərlər

Şuşada "Xarıbülbül" IX Beynəlxalq Musiqi Festivalı keçirilir

Cəbrayılın Horovlu kəndində Novruz festivalı keçirilib

Leyla Əliyeva və Alyona Əliyeva Müstəqillik Gününə həsr olunmuş konserti izləyiblər

Polis Günündə də post başında – Bakının küçələrindən diqqətçəkən FOTOLAR

Bakıda Azərbaycan Könüllülərinin VIII Həmrəylik Forumu keçirildi