Maaşını kartla alanların NƏZƏRİNƏ - 2027-ci il aprelin 1-dən...
İşçilər maaş kartı üçün bankı özləri seçəcəklər – Yeni qayda nə vaxt qüvvəyə minir?
Azərbaycanda əməkhaqqı alan işçilərə maaşlarını əldə edəcəkləri bankı özlərinin seçməsi imkanı yaradılacaq. Yeni mexanizmin 2027-ci il aprelin 1-dən tətbiqi nəzərdə tutulur.
BAKU.WS xəbər verir ki, bu barədə deputat Vüqar Bayramov əmək qanunvericiliyində planlaşdırılan yenilikləri şərh edərkən məlumat verib.
Onun sözlərinə görə, hazırda əməkhaqqı kartları əsasən işəgötürənlərin əməkdaşlıq etdiyi banklar vasitəsilə təqdim olunur. Lakin bu bankların tarifləri hər zaman işçilər üçün əlverişli olmur. Bəzi hallarda vətəndaşın yaşadığı və ya çalışdığı ərazidə həmin bankın filialı və bankomatı da olmur.
Yeni mexanizm bu məhdudiyyətləri aradan qaldırmağa yönəlib.
Deputat bildirib ki, Mərkəzi Bank bununla bağlı elektron sistem hazırlayır. Vətəndaşlar həmin sistemə daxil olaraq əməkhaqlarını almaq istədikləri bankı seçə biləcəklər:
"Məsələn, işçi hazırda bir bankın əməkhaqqı kartından istifadə edirsə, gələcəkdə başqa bankı seçərək maaşının həmin bankdakı hesabına köçürülməsini təmin edə biləcək.
Bu prosesdə işəgötürənin seçilmiş banka müdaxilə etmək imkanı olmayacaq. İşəgötürən əməkhaqqını hesablayaraq elektron sistemə ötürəcək, sistem isə vəsaiti işçinin seçdiyi banka yönləndirəcək".
Deputat bankı sonradan dəyişməyin də mümkün olacağını bildirib:
"Bununla belə, bank seçimindən tez-tez istifadə edilməməsi üçün müəyyən tariflərin tətbiqi məsələsinin nəzərdən keçirildiyini qeyd edib. Yeni qayda işçilərə bank xidmətlərini öz ehtiyaclarına uyğun seçmək və əməkhaqlarını daha rahat əldə etmək imkanı verəcək".
Orxan Hüseyn
Oxşar xəbərlər
Qarabağda işləmək istəyənlərin NƏZƏRİNƏ! - Maaş 1250 AZN-dək
İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib
Milli Məclisin parlamentlərarası əlaqələr üzrə işçi qruplarına rəhbərlər seçilib - SİYAHI
Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir" – MÜSAHİBƏ
Şahin Bağırov: "Azərbaycanın gömrük sistemi elə bir səviyyəyə çatıb ki, təcrübəsini digər dövlətlərə təqdim edir"
Ən son xəbərləri bizim
"Facebook" səhifəmizdə izləyin
Digər xəbərlər
-
"United Airlines" şirkətinin işində iri miqyaslı nasazlıq yaranıb
-
Pentaqon Yaxın Şərqdə 20-dən çox gəmi cəmləşdirib
-
"Bakcell" gənclər üçün növbəti süni intellekt hakatonunu keçirib
-
Andorra - Azərbaycan oyunu: Millimizdən üçüncü qol
-
Azərbaycanda daha bir həkim vəfat etdi
-
Azərbaycan millisi Andorranı məğlub edib, Emin Mahmudov yığmada son oyununu keçirib













