Yeddi "OPEC+" ölkəsi (Rusiya, Səudiyyə Ərəbistanı, Əlcəzair, Küveyt, İraq, Qazaxıstan və Oman) nazirləri neft hasilatı üzrə sentyabr kvotalarının müddətini oktyabr ayına qədər uzatmaq qərarına gəliblər.

"Report" xəbər verir ki, bu barədə təşkilatın aylıq onlayn görüşünün yekunlarına dair məlumatında deyilir.

Sazişin liderləri - Səudiyyə Ərəbistanı və Rusiya üçün neft hasilatının maksimal həddi müvafiq olaraq 10,478 mln. barel/gün və 9,949 mln. barel/gün səviyyəsində saxlanılıb. İraq 4,431 mln. barel/gün, Küveyt - 2,676 mln. barel/gün, Qazaxıstan 1,628 mln. barel/gün, Əlcəzair 1,007 mln. barel/gün, Oman isə 841 min barel/gün hasil etmək hüququna malikdir.

Məlumatda qeyd olunub ki, saziş iştirakçıları onun tam icrasına nail olmağa sadiq qaldıqlarını təsdiqləyiblər.

"Yeddilər"in növbəti görüşü, həmçinin "OPEC+" nazirlər komitəsinin iclası oktyabrın 4-də keçiriləcək.

Oxşar xəbərlər

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

İrandan Azərbaycana indiyədək 2 949 vətəndaşı təxliyə olunub

İlham Əliyev TDT-yə üzv dövlətlərin hökumət başçılarının görüşünün iştirakçılarını qəbul edib

Ukrayna və Azərbaycan səhiyyə nazirləri saziş imzalayıb, əməkdaşlıq genişləndirilir

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3