İqlim dəyişikliyi yalnız dayanıqlılığı deyil, həm də diplomatiyanı sınağa çəkir.

"Report"un məlumatına görə, bunu xarici işlər nazirinin müavini Yalçın Rəfiyev "Bakı İqlim Həftəsi 2026"nın açılış nitqində deyib.

Nazir müavini bildirib ki, geosiyasi qarşıdurmaların, parçalanmanın və etimadın azalmasının hökm sürdüyü bir dövrdə iqlim dəyişikliyi heç bir ölkənin təkbaşına həll edə bilməyəcəyi bir çağırış olaraq qalır: "COP29 çərçivəsində əldə etdiyimiz təcrübə göstərdi ki, mövqelər bir-birinə zidd göründüyü zaman belə diplomatiya nəticə verə bilər".

Onun sözlərinə görə, hazırkı tədbir olduqca ağır bir mənzərə fonunda baş tutur: "Nepal və Çində baş verən dağıdıcı daşqınlar və torpaq sürüşmələri insanların faciəvi şəkildə həlak olmasına və böyük insan iztirablarına səbəb olub. Bu faciələr bizə xatırladır ki, iqlim dəyişikliyi artıq sabah üçün verilən xəbərdarlıq deyil, milyonlarla insan üçün bu günün reallığıdır".

Y.Rəfiyev əlavə edib ki, İqlim Həftəsi COP31-ə doğru əvəzsiz olacaq.

Oxşar xəbərlər

Prezident İlham Əliyev Bakı Enerji Həftəsinin rəsmi açılış mərasimində iştirak edib

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3