Azərbaycan və Türkiyə arasında işgüzar əlaqələrin inkişafı, əməkdaşlığın genişləndirilməsi və qarşılıqlı investisiya imkanlarının təşviqi məsələləri müzakirə olunub.

Bu barədə "Far.Az"a İxracın və İnvestisiyaların Təşviqi Agentliyindən (AZPROMO) məlumat verilib.

Bildirilib ki, bu barədə müzakirələr AZPROMO və Türkiyənin Xarici İqtisadi Əlaqələr Şurasının (DEİK) Türkiyə–Azərbaycan Biznes Şurasının İcraiyyə Komitəsinin nümayəndə heyəti arasında keçirilib.

Görüş zamanı Türkiyə-Azərbaycan Biznes Şurasının fəaliyyətinin daha sistemli əsaslarla qurulması, yeni əməkdaşlıq formatının yaradılması və Biznes Şurasının 35 illiyi ilə bağlı tədbirin keçirilməsi məsələləri ətrafında fikir mübadiləsi aparılıb.

Bundan başqa, Azərbaycan–Türkiyə Hökumətlərarası Birgə İqtisadi Komissiyasının Fəaliyyət Planı üzrə görüləcək işlər, Naxçıvanla ticarət əlaqələrinin gücləndirilməsi, Türkiyədə Azərbaycanın investisiya imkanlarının təşviqi məqsədilə "road-show"ların təşkili və birgə biznes tədbirlərinin keçirilməsi imkanları müzakirə olunub.

Oxşar xəbərlər

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Xankəndidə İqtisadi Əməkdaşlıq Təşkilatının 17-ci Zirvə görüşü keçirilib, İlham Əliyev çıxış edib

Azərbaycan-Qırğızıstan Hökumətlərarası Komissiyasının 6-cı iclası keçirilib

Tacikistan səfiri: Düşənbə və Bakı münasibətləri keyfiyyətcə yeni səviyyəyə yüksəlib - MÜSAHİBƏ

Tacikistan səfiri: Düşənbə və Bakı münasibətləri keyfiyyətcə yeni səviyyəyə yüksəlib