Bakıda qadın iPhone 14 markalı telefonunu "Bolt" taksi xidmətinə aid avtomobildə unudub. O, iddia edir ki, telefonunu götürən şəxs geri qaytarmır.

Bu barədə məlumatı şikayətçi Vinera Mirzəbəyova Far.Az-in "qaynar xətti"nə müraciətində bildirib.

Şikayətçinin sözlərinə görə, hadisə sentyabrın 4-də saat 14:56-da baş verib. Vinera Mirzəbəyova Yasamaldan Avtovağzala getmək üçün Bolt-dan taksi sifariş edib. Avtovağzalın yuxarı dayanacağında avtomobildən düşərkən yükünün çox olması səbəbindən telefonunu maşında unudub.

Onun sözlərinə görə, telefonun səsi açıq olub. Qısa müddət sonra sürücüyə zəng edilsə də, telefon əvvəlcə açılmayıb, daha sonra zənglərə "adboy" verilib və söndürülüb.

Hadisə ilə bağlı Daxili İşlər Nazirliyinin 102 xidmətinə məlumat verilib, 40-cı Polis Bölməsində şikayət ərizəsi yazılıb. Telefonun qutusunda qeyd olunan IMEI 1 və IMEI 2 kodları da təqdim edilib.

"Çox xahiş edirəm, telefonumun tapılmasında köməklik göstərilsin. Ayın sonunda əməliyyata girəcəyəm. Telefonun içində əməliyyatımın planlaması ilə bağlı vacib videolar var", - deyə V.Mirzəbəyova bildirib.

Qalereya

Oxşar xəbərlər

Telefonunu taksidə unutdu, geri ala bilmir - Şirkətdən cavab

Bolt WUF 2026 ərəfəsində Bakıda ilk Azərbaycan Təhlükəsizlik Konfransını keçirib

Bolt Accelerator Demo Day: Azərbaycanda innovasiya və sahibkarlığı dəstəkləyən final təqdimatı uğurla başa çatdı

Sahibkarlığa dəstək: Bolt Accelerator finalı

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3