Qusarda toydan çıxan kişi qonşusunu döyüb.

BAKU.WS oxu.az-a istinadən xəbər verir ki, hadisə rayonun Balaqusar kəndində baş verib. Qusar rayonunun Laza kənd sakini, 1998-ci il təvəllüdlü Elvin Məmmədov (soyad şərtidir) bir müddət əvvəl Balaqusar kəndinə köçüb və orada yaşayıb.

Bir neçə gün əvvəl, o, Balaqusar kəndinin girişindəki "Karvan" şadlıq sarayında toy məclisinə gedib və orada spirtli içki qəbul edib. Toydan sərxoş vəziyyətdə çıxan Elvin kafeyə daxil olub, yenidən spirtli içki qəbul edəndən sonra Balaqusar kəndinə yola düşüb. O, yolda olarkən toydan qayıdan Balaqusar kənd sakini Zamin Quliyevlə rastlaşıb və birlikdə kəndə getməyə qərar veriblər. Yolboyu söhbət zamanı Zamin Elvindən Balaqusar kəndinə köçməsinin səbəbini soruşub. Sərxoş olan Elvin Zaminin bu sözündən inciyib və aralarında mübahisə yaranıb. Mübahisə zamanı Elvin başı ilə Zaminin sifətinə zərbə endirib. O, daha sonra Zamini döyməyə başlayıb. Hadisə şahidləri onları ayırıb və davanı sakitləşdiriblər.

Əraziyə polis əməkdaşları gəliblər, Elvin saxlanılıb. Faktla bağlı cinayət işi başlanılaraq, iş məhkəməyə göndərilib. Qusar Rayon Məhkəməsində keçirilən prosesdə tərəflər arasında barışıq elan olunub, zərərçəkmiş şəxsə dəymiş ziyan ödəndiyindən, cinayət işinə xitam verilib.

Oxşar xəbərlər

İlham Əliyev Cəbrayılın Horovlu kəndinin birinci mərhələsinin açılışında iştirak edib

İlham Əliyev Şuşanın Kiçik Qaladərəsi kəndində görülən işlərlə tanış olub və kəndə qayıdan sakinlərlə görüşüb - YENİLƏNİB

İlham Əliyev Şuşanın Kiçik Qaladərəsi kəndində görülən işlərlə tanış olub və kəndə qayıdan sakinlərlə görüşüb

Birinci Qarabağ müharibəsinin itkin şəhidi Abdulla Quliyevlə vida mərasimi keçirilib

İlham Əliyev Xocavəndin Xanoba kəndində fərdi evlərin və infrastrukturun bərpası sahəsində görülən işlərlə tanış olub