Kabardin-Balkar Respublikasının Bezengi dərəsində aparılan axtarış-xilasetmə əməliyyatı zamanı qar uçqununda həlak olan daha iki alpinistin meyiti tapılıb.

"Far.Az"un xəbərinə görə, bu barədə Rusiya Fövqəladə Hallar Nazirliyinin (FHN) regional şöbəsinin mətbuat xidməti məlumat yayıb.

Bununla da ölənlərin sayı 16-ya çatıb. Məlumatda bildirilir ki, daha bir alpinistin taleyi hələ də məlum deyil.

Qurum qeyd edib ki, hava şəraitinin pisləşməsi, qar və buz uçqunu təhlükəsi səbəbindən ərazidə axtarış-xilasetmə əməliyyatları dayandırılıb. Axtarışların sentyabrın 13-də Fövqəladə Hallar Nazirliyinin Mi-8 helikopterindən istifadə etməklə davam etdirilməsi planlaşdırılır.

Xatırladaq ki, sentyabrın 6-da Kabardin-Balkarın Bezengi dərəsindəki Mijirqi dağından marşrut üzrə 33 alpinistdən ibarət qrupa uçqun düşüb. Daha əvvəl 14 nəfərin öldüyü bildirilib.

Oxşar xəbərlər

FHN tərəfindən "Yaz-yay fəsillərində sel təhlükəsi" mövzusunda növbəti tədbirlər keçirilib

Nazirlik sel təhlükəsi zamanı qorunmağın yollarını göstərdi

Kabardin-Balkarda qar uçqunu nəticəsində ölənlərin sayı 7-yə çatıb - YENİLƏNİB

Kabardin-Balkarda həlak olan alpinistlərin sayı 14-ə çatıb

Goranboyda yaşayış binasında uçqun zamanı xəsarət alanların VƏZİYYƏTİ AÇIQLANIB