Misli Premyer Liqasının V turunda "Turan Tovuz" ilə "Araz-Naxçıvan" üz-üzə gəlib.

"Report" xəbər verir ki, Şamaxı şəhər stadionunda keçirilən oyun 2:2 hesablı heç-heçə ilə yekunlaşıb.

Görüşdə hesabı Naxçıvan təmsilçisi açıb. Emmanuel Hakmanın 7-ci dəqiqədə vurduğu avtoqol "Araz-Naxçıvan"ı hesabda irəli çıxarıb.

Kurban Berdıyevin rəhbərlik etdiyi kollektiv ikinci hissənin 51-ci dəqiqəsində İbrahima Vadji ilə "status kvo"nu bərpa edib. 75-ci dəqiqədə isə Jo Batista "Turan Tovuz"u hesabda önə keçirib.

Matçda yekun nəticəni isə "Araz-Naxçıvan"ın üzvü Ağadadaş Salyanski müəyyənləşdirib. Futbolçu 86-cı dəqiqədə penalti zərbəsini dəqiq yerinə yetirib.

8 xalı olan "Turan Tovuz" turnir cədvəlində beşincidir. "Araz-Naxçıvan" isə 2 xalla 11-ci sırada qərarlaşıb.

Qeyd edək ki, turun əvvəlki qarşılaşmalarında "Neftçi" "İmişli"ni (3:2), "Kəpəz" "Qəbələ"ni (1:0) məğlub edib. "Sumqayıt" - "Şamaxı" matçında isə (1:1) qalib müəyyənləşməyib.

Oxşar xəbərlər

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib

Konfrans Liqası: "Neftçi" öndə olduğu matçda "Dinamo"ya uduzub - YENİLƏNİB-9

Azərbaycan klubları yay fasiləsində: "İmişli" lider, son çempion "Sabah" autsayderdir - ARAŞDIRMA

UEFA Konfrans Liqası: "Dinamo" "Neftçi" ilə oyunda hesabda önə keçib - YENİLƏNİR-7

UEFA Avropa Liqası:  "Qarabağ" - ÇSKA oyununda qalib müəyyənləşməyib - YENİLƏNİB-3