Qazaxıstan Prezidenti Kasım-Jomart Tokayev koreyalı həmkarı Li Çje Myonun dəvəti ilə Koreya Respublikasına dövlət səfəri edib.

"Report" xəbər verir ki, bu barədə Qazaxıstan liderinin mətbuat xidməti məlumat yayıb.

Məlumatda bildirilir ki, onu Seul hava limanında Baş nazirin müavini, elm və informasiya-kommunikasiya texnologiyaları naziri Pe Gyon Xun qarşılayıb.

Tokayev Seula ötən gecə BRICS sammitində iştirak etdiyi Yeni Dehlidən birbaşa səfər edib.

Sentyabrın 15-də Seulda ali səviyyədə danışıqların keçiriləcəyi, bu zaman Qazaxıstan-Koreya genişləndirilmiş strateji tərəfdaşlığının möhkəmləndirilməsi perspektivlərinin müzakirə ediləcəyi gözlənilir.

Bundan əlavə, Prezidentin aparıcı Koreya şirkətlərinin rəhbərləri ilə görüşlərinin planlaşdırıldığı barədə də məlumat yayılıb.

Sentyabrın 16-da o, birinci "Mərkəzi Asiya - Koreya Respublikası" sammitinin işində iştirak edəcək.

Oxşar xəbərlər

Azərbaycan Prezidenti İlham Əliyev Qazaxıstanda dövlət səfərindədir

Prezident İlham Əliyev Yaxın Şərq Sülh Sammitində iştirak edib

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3