ABŞ-nin Hərbi Dəniz Qüvvələri (HDQ) Nazirliyindən bildirilib ki, İran ABŞ-nin Bəhreyndəki hərbi obyektlərinə ciddi ziyan vurub.

"Report" xəbər verir ki, bu barədə "The Epoch Times" qəzetinin müxbiri Rayan Morgan ABŞ-nin hərbi dəniz qüvvələri naziri səlahiyyətlərini icra edən Hang Kaonun bəyanatına istinadən "X" sosial şəbəkəsində bildirib.

Qeyd olunub ki, Bəhreyndə ABŞ Hərbi Dəniz Qüvvələrinin 5-ci donanmasının qərargahı yerləşir. Onun əməliyyat məsuliyyət zonasına Fars körfəzi, Qırmızı dəniz və Hind okeanının bəzi hissələri daxildir. Kao bildirib ki, İran "Bəhreyni tamamilə darmadağın edib".

Bundan əlavə, o təsdiqləyib ki, bu zərbələr nəticəsində "Abraham Lincoln" aviadaşıyıcısı üçün Bəhreyndə "yan almağa yer" qalmayıb.

Daha əvvəl "MS Now" telekanalı məlumat vermişdi ki, təyyarədaşıyan gəminin uzunmüddətli səfəri avadanlıqlarla, o cümlədən təyyarələrin qalxması və enməsi üçün nəzərdə tutulan avadanlıqlarla bağlı problemlərə gətirib çıxarıb.

Hang Kao həmçinin dəqiqləşdirib ki, ABŞ HDQ Bəhreyndəki dağıdılmış bazaları ümumiyyətlə bərpa edib-etməyəcəyi məsələsini müzakirə edir.

Oxşar xəbərlər

Lökbatanda anbardakı yanğınla bağlı əməliyyat qərargahı yaradıldı - YENİLƏNİB-4

Balıkesirdəki zəlzələ zamanı 25 bina zərər görüb

Prezident İlham Əliyev Xocalıda hərbi qulluqçular üçün nəzərdə tutulan fərdi evlərdə yaradılmış şəraitlə tanış olub

Tuapsedə PUA hücumundan sonra "qara yağış" canlılara ZƏRƏR VURUB

ABŞ HDQ-nin "Abraham Lincoln" aviadaşıyıcısı İran istiqamətində Hind okeanına daxil olub