Azərbaycanda bu ilin yanvar-iyul aylarında keçirilmiş elektron satınalmaların sayı ötən ilin analoji dövrü ilə müqayisədə 0,3 % artaraq 4 596 olub.

"Report" bu barədə Prezident yanında Antiinhisar və İstehlak Bazarına Nəzarət Dövlət Agentliyinə istinadən xəbər verir.

Məlumata görə, elektron satınalmaların məbləği isə 12,5 % artaraq 2 milyard 341,2 milyon manat olub.

Hesabat dövründə açılışı baş tutmuş müsabiqələr üzrə orta iştirakçı sayı 3,5 olub. O cümlədən, açıq tenderlər üzrə orta iştirakçı sayı 3,7, kotirovka sorğuları üzrə isə 3,4 olub.

Bildirilib ki, elektron satınalmaların həcminin artması dövlət satınalmalarında rəqəmsallaşma səviyyəsinin yüksəldiyini, satınalma proseslərinin daha əlçatan müstəviyə keçdiyini və rəqabət mühitinin genişləndirilməsi istiqamətində müsbət dinamikanın formalaşdığını göstərir.

Oxşar xəbərlər

Bakıda Zəfər muzeyinin açılışı olub

Heydər Əliyev Mərkəzində "ART Weekend" festivalının rəsmi açılışı olub

Sumqayıt Sənaye Parkında karton və qutu taralarının istehsalı müəssisəsinin açılışı olub

Yeni Klinikada Yeni Robotik Reabilitasiya və Sümük İliyi Transplantasiyası mərkəzlərinin açılışı olub

1 saylı İxtisaslaşdırılmış Poliklinikanın Laboratoriya şöbəsinin açılışı olub