Türkiyə-Azərbaycan Universiteti (TAU) iki qardaş ölkənin bütün sahələrdə olduğu kimi, elm və təhsil sahəsində də qarşılıqlı etimadının təzahürüdür.

"Report" xəbər verir ki, bunu ali təhsil müəssisəsinin rektoru, dosent Nəcibə Nəsibova TAU-da Bilik günü ilə bağlı keçirilən tədbirdə deyib.

Onun sözlərinə görə, bu universitet Azərbaycan gənclərinə çox böyük imkanlar yaradıb:

"Tələbələrimiz ölkə xaricinə çıxmadan geniş təhsil imkanlarından yararlana bilirlər. Belə ki, Türkiyənin ən öndə gedən universitetlərinin professor və müəllimlərindən dərs alır, təcrübə mübadiləsi aparırlar".

Rektor bildirib ki, TAU-nu bitirən tələbələrin aldığı ikili diplom da onların gələcək karyerasına önəmli töhfədir:

"Tələbələrə bu universitetdə ingiliscə təhsil almaq imkanı da yaradılır. Bütün bu imkanlar sayəsində gənclər beynəlxalq arenada özlərinə rahatlıqla yer tapa biləcəklər".

Oxşar xəbərlər

Bakıda Azərbaycan səhiyyəsi üçün önəmli tədbir keçirilib

NDU-nun rektoru Elbrus İsayev media nümayəndələri üçün brifinq keçirib

Prezident İlham Əliyev Qaradağ rayonunda kağız və gigiyenik məhsulların istehsalı müəssisəsinin açılışında iştirak edib

Sumqayıt Sənaye Parkında karton və qutu taralarının istehsalı müəssisəsinin açılışı olub

İlham Əliyev İmişlidə "Promalt" MMC-nin arpa emalı müəssisəsinin açılışını edib