Polşada yaradılması planlaşdırılan daimi ABŞ hərbi bazasının "Fort Tramp" adlandırılması təklif olunur.

BAKU.WS xəbər verir ki, bunu Polşa Prezidenti Karol Navrotski "Bloomberg"ə müsahibəsində deyib.

Onun sözlərinə görə, bazanın tikintisinin 2029-cu ildə ABŞ Prezidenti Donald Trampın səlahiyyət müddəti başa çatana qədər tamamlanması gözlənilir. Navrotski Trampın bazanın açılış mərasimində şəxsən iştirak edəcəyinə ümid etdiyini bildirib.

Polşa prezidenti daimi ABŞ hərbi bazasının ölkədə yaradılmasını zaman məsələsi kimi qiymətləndirib. O, Almaniyada ABŞ hərbi kontingentinin azaldılması halında amerikalı hərbçilərin bir hissəsinin Polşada yerləşdirilməsinə hazır olduqlarını da açıqlayıb.

Məlumata görə, ABŞ nümayəndə heyəti sentyabrın əvvəlində Polşaya səfər edərək daimi hərbi bazanın mümkün yerləşdirilməsini müzakirə edib. Bazanın yaradılmasının Polşaya ən azı 3,25 milyard dollara başa gələcəyi bildirilir.

Qeyd edək ki, ABŞ daha əvvəl Polşaya 5 min hərbçinin göndəriləcəyini açıqlayıb.

Oxşar xəbərlər

Prezident İlham Əliyev Bakı Enerji Həftəsinin rəsmi açılış mərasimində iştirak edib

Leyla Əliyeva və Arzu Əliyeva Qaxda Axar-Baxar Milli Parkının açılış mərasimində iştirak ediblər

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3