İşğaldan azad edilən ərazilərdə aparılan genişmiqyaslı yenidənqurma işləri bölgədə məşğulluq imkanlarının da artmasına şərait yaradır. Qarabağ və Şərqi Zəngəzur iqtisadi rayonlarında müxtəlif sahələr üzrə yeni işçi axtarışları davam edir.

Far.Az-in məlumatına görə, hazırda regionun şəhər və qəsəbələrində texniki sahələrdən inzibati və xidmət istiqamətlərinə qədər müxtəlif vəzifələr üzrə vakansiyalar təqdim olunur.

Elan edilən işlər fərqli ixtisas və təcrübəyə malik şəxslər üçün nəzərdə tutulub. Namizədlərə ödəniləcək əməkhaqqının məbləği isə tutulan vəzifə, peşə hazırlığı və iş təcrübəsinə uyğun olaraq dəyişir.

Hazırkı vakansiyalar üzrə maaşlar 600 manatdan başlayır və 2100 manatadək yüksəlir.

İş imkanlarından yararlanmaq istəyən şəxslər CV-lərini qarabagdais@sosial.gov.az elektron poçt ünvanına göndərə bilərlər. Müraciət zamanı elektron məktubun mövzu hissəsində namizədin müraciət etdiyi vəzifənin adının yazılması tələb olunur.

CV-si hazır olmayan şəxslər isə cvyarat.az platformasından istifadə etməklə tərcümeyi-hallarını ödənişsiz şəkildə hazırlaya və daha sonra uyğun vakansiyalara müraciət edə bilərlər.

Oxşar xəbərlər

İlham Əliyev Lənkəran Dövlət Peşə Təhsil Mərkəzinin açılışında iştirak edib

Qarabağda iş yerləri: 3 min manata qədər yeni vakansiyalar

Prezident Naxçıvanda elektrik mühərrikli yeni avtobuslara baxıb, dəmir yolu infrastrukturunda aparılan yenidənqurma işləri ilə tanış olub

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN