Kim Çen Inin qış kurortunda çəkilən fotosu gündəm oldu
Şimali Koreya lideri Kim Çen In qızı Kim Çju E ilə birlikdə yeni istifadəyə verilən dağ-xizək kurortuna baş çəkib. Liderin qarın üzərində onun üçün xüsusi hazırlanmış oyma kresloda əyləşdiyi görüntülər beynəlxalq mətbuatın diqqətini çəkib.
Far.Az xəbər verir ki, fotoları Şimali Koreyanın Mərkəzi Teleqraf Agentliyi (KCNA) yayıb.
Görüntülər qısa müddətdə dünya mediasında geniş müzakirələrə səbəb olub. "Reuters" və "Daily Mail" də daxil olmaqla bir sıra nəşrlər bu fotolara diqqət yetirib.
Yayılan kadrlarda Kim Çju Enin xizək yamacından aşağı sürüşdüyü, atasının isə onu kənardan izlədiyi görünür. Kim Çen In üçün qarın üzərində xüsusi oyma kreslo və kiçik masa quraşdırılıb. O, kresloda əyləşərək siqaret çəkib.
KCNA-nın məlumatına görə, Kim Çen In, qızı və bir qrup yüksəkvəzifəli dövlət rəsmisi noyabrın 15-16-da bölgəyə səfər edib. Səfər çərçivəsində turizm zonasında aparılan tikinti layihələrinin gedişi də yoxlanılıb.
Beynəlxalq mediada Kim Çju Enin atasının gələcək varisi kimi hazırlanması ilə bağlı ehtimallar da müzakirə olunur. Şimali Koreyadan qaçmış bəzi keçmiş rəsmilər onun hakimiyyətin ötürülməsi üçün hazırlana biləcəyini iddia edirlər.
Belə ki, Şimali Koreyanın Londondakı keçmiş səfirlik əməkdaşı Te Yon Ho Kim Çju Enin raket poliqonlarına və müdafiə sənayesi müəssisələrinə səfərləri zamanı ona münasibətdə tətbiq olunan protokolun vaxtilə Kim Çen Inın özünə göstərilən münasibəti xatırlatdığını bildirib. Həmin protokolun Kim Çen Inın atası Kim Çen İrdən sonra hakimiyyətə gəlməyə hazırlandığı dövrdə tətbiq edildiyi qeyd olunur.
Xatırladaq ki, bundan əvvəl Rusiya Prezidenti Vladimir Putin Koreya Əmək Partiyası Mərkəzi Komitəsinin katibi vasitəsilə Kim Çen Ina salamlarını və xoş arzularını çatdırıb.
Oxşar xəbərlər
Şəkinin turizm xəzinəsi: Tarixi abidələrdən sənətkarlığa qədər
Palçıq Vulkanları Turizm Kompleksi – Azərbaycanın təbiət möcüzələrinə açılan yeni qapı
Qış turizm mövsümü öncəsi daxili turizm imkanları nümayiş etdirilib
Nazir bu müəllimləri təltif edildi - ADLAR
Milli mətbuatın 151 illiyinə həsr olunmuş konfransda media nümayəndələri mükafatlandırılıb
Ən son xəbərləri bizim
"Facebook" səhifəmizdə izləyin
Digər xəbərlər
-
"United Airlines" şirkətinin işində iri miqyaslı nasazlıq yaranıb
-
Pentaqon Yaxın Şərqdə 20-dən çox gəmi cəmləşdirib
-
"Bakcell" gənclər üçün növbəti süni intellekt hakatonunu keçirib
-
Andorra - Azərbaycan oyunu: Millimizdən üçüncü qol
-
Azərbaycan millisi Andorranı məğlub edib, Emin Mahmudov yığmada son oyununu keçirib
-
CNN: İran Vaşinqtonda Tramp administrasiyası rəsmilərinə hücumlar hazırlayır













