BMT Baş Assambleyasının 81-ci sessiyası (#UNGA81) çərçivəsində Azərbaycan xarici işlər naziri Ceyhun Bayramov ilə Baham Adalarının xarici işlər naziri Frederik Mitçel arasında görüş keçirilib.

"Far.Az" xəbər verir ki, bu barədə Azərbaycanın Xarici İşlər Nazirliyinin (XİN) "X" sosial şəbəkə hesabında paylaşım edilib.

Görüş zamanı Azərbaycan ilə Baham Adaları arasında ikitərəfli və çoxtərəfli münasibətlərin inkişaf perspektivləri müzakirə olunub. Tərəflər qarşılıqlı maraq doğuran məsələlər ətrafında fikir mübadiləsi aparıblar.

Nazirlər iki ölkə arasında strateji dialoqun yaradılmasının, eləcə də qarşılıqlı faydalı əməkdaşlığın yeni istiqamətlərinin müəyyənləşdirilərək inkişaf etdirilməsinin vacibliyini vurğulayıblar.

Görüşün yekununda Azərbaycan Respublikasının Xarici İşlər Nazirliyi ilə Baham Adaları Birliyinin Xarici İşlər Nazirliyi arasında siyasi məsləhətləşmələr haqqında Anlaşma Memorandumu imzalanıb.

Sənədin iki ölkənin xarici siyasət qurumları arasında müntəzəm diplomatik əlaqələrin və məsləhətləşmələrin inkişafına xidmət edəcəyi bildirilib. Memorandumun Azərbaycan-Baham Adaları münasibətlərinin daha da genişləndirilməsi və yeni əməkdaşlıq istiqamətlərinin formalaşdırılması üçün əsas yaradacağı qeyd olunub.

On the sidelines of #UNGA81, Foreign Ministers @Bayramov_Jeyhun met with @FredMitchell242, Minister of Foreign Affairs of the Bahamas. The sides discussed the prospects for developing 🇦🇿–🇧🇸 bilateral and multilateral relations, exchanged views on issues of mutual interest. The importance of establishing a strategic dialogue and exploring new areas of mutually beneficial cooperation was emphasized. Concluding the productive exchange, the Ministers signed the “Memorandum of Understanding on political consultations between the Ministry of Foreign Affairs of the Republic of Azerbaijan and the Ministry of Foreign Affairs of the Commonwealth of the Bahamas.” This document will foster regular diplomatic engagement and serve as a strong foundation for advancing our bilateral partnership. #Azerbaijan #Bahamas #UNGA81 🇦🇿 🤝 🇧🇸

— MFA Azerbaijan 🇦🇿 (@AzerbaijanMFA) September 23, 2026

Oxşar xəbərlər

Azərbaycan və Çin prokurorluqları arasında anlaşma memorandumu imzalanıb

Global Media Group BMT-nin Qlobal Sazişi ilə birgə "Dayanıqlı yaşayış mühitinin dili" mövzusunda media sessiyası təşkil edib

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

MÜSİAD Azərbaycanla VİDAL Özəl Sənaye Məhəlləsi arasında memorandum imzalandı

Prezident İlham Əliyev Əfv Sərəncamı imzalayıb