Bakıda "JW Marriott Absheron Baku" hotelinin birinci mərtəbəsində vətəndaşlar və şəhərin qonaqları üçün "Azərbaycan Hava Yolları" QSC (AZAL) və ABŞ-nin "Boeing" şirkətinin birgə təşkilatçılığı ilə "Boeing 787 Dreamliner" uçuş simulyatoru nümayiş olunur.

BAKU.WS "Report"a istinadən xəbər verir ki, nümayiş simulyatorundan sentyabrın 24-26-sı tarixlərində istifadə etmək mümkün olacaq.

Təqdim olunan "Boeing 787 Dreamliner" uçuş simulyatoru pilot kabinəsinin bütün elementlərini yüksək dəqiqliklə əks etdirir. Genişformatlı naviqasiya ekranları, şturval, idarəetmə qolları, pedallar və orijinal oturacaqlarla təchiz edilmiş simulyator real uçuş şəraitini maksimum dərəcədə imitasiya edir.

Proqram təminatı təyyarənin bütün uçuş sistemlərini tam şəkildə canlandırır və qonaqlara uçuşun bütün mərhələlərini - havaya qalxma, uçuş rejimi və enişi - sınaqdan keçirməyə imkan verir. Bu, həmçinin "Dreamliner"in innovativ texnologiyaları və yanacaq səmərəliliyi ilə yaxından tanış olmaq üçün unikal təcrübə yaradır.

"Boeing" şirkəti "787 Dreamliner" modelini ən uğurlu geniş gövdəli təyyarələrdən biri kimi təqdim edir.

Qalereya

Oxşar xəbərlər

Prezident İlham Əliyev Şuşada "Yasəmən" hotelinin yeni korpusları ilə tanış olub

Bakıda AZAL və "Boeing"in birgə təşkilatçılığı ilə uçuş simulyatoru nümayiş olunur

PAŞA Real Estate Qrup və Marriott International Azərbaycan və Gürcüstan üzrə çoxsaylı əmlak müqaviləsi imzaladı

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

SOCAR-ın təşkilatçılığı, "Neftçi" və "Galatasaray" klublarının tərəfdaşlığı ilə şəhid və qazi övladları üçün "Futbol günü" adlı tədbir keçirilib