Payız aylarında havaların temperaturunun kəskin aşağı düşməsi istilik mövsümünün başlanma tarixini yenidən gündəmə gətirir. Xüsusilə gecə saatlarında temperaturun aşağı düşməsi ilə əlaqədar vətəndaşlar mənzillərin nə vaxt qızdırılacağı və istilik mövsümünün müəyyən edilən tarixdən daha əvvəl başlayıb-başlamayacağı ilə maraqlanırlar.

Bəs havaların gözləniləndən daha soyuq keçməsi istilik sistemlərinin 15 gün əvvəl işə salınmasına səbəb ola bilərmi?

"Azəristiliktəchizat" ASC-nin mətbuat katibi Elvin Basqallı Far.Az-in sorğusuna cavab olaraq bildirib ki, Bakıda istilik mövsümü 15 noyabr-15 aprel, Qaydalarda ayrıca göstərilən əsasən hava şəraiti daha soyuq olan dağlıq ərazilərdə isə 1 noyabr-1 may tarixlərini əhatə edir:

"Qaydalar havanın temperaturu və mövsümə hazırlıq tələbləri nəzərə alınmaqla başlanma tarixinin dəyişdirilməsinə imkan verir. Lakin mövcud normalara görə belə bir zərurət havanın sadəcə ayrı-ayrı günlərdə nisbətən soyuq keçməsi ilə deyil, davamlı və ciddi şəkildə sərtləşməsi ilə təsbit oluna bilər. Belə dəyişiklik müvafiq dövlət orqanlarını məlumatlandırmaqla müəyyən edilir.

Mövsümün başlanması barədə sakinlərə 10 gün əvvəl rəsmi saytımız, media və binaların girişlərində elanlar vasitəsilə məlumat verilir".

Orxan Hüseyn

Oxşar xəbərlər

Zəngilanın Məmmədbəyli və Ağalı kəndlərinin sakinlərinə mənzillərin açarları təqdim edilib

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3

Bakıda yaz mövsümü ilə əlaqədar genişmiqyaslı daxili iməcilik keçirilib