Azərbaycan iqtisadiyyatı makroiqtisadi sabitliyin yüksək səviyyəsini qoruyub saxlayır, həmçinin ÜDM-in artım tempi hələ də mülayim olaraq qalır.

"Report" xəbər verir ki, bu barədə Dünya Bankının Cənubi Qafqaz üzrə regional direktoru Roland Prays Bakıda keçirilən CAMCA-2026 Regional Forumunda bildirib.

"Azərbaycan balanslaşdırılmış büdcə və monetar siyasət sayəsində dayanıqlı iqtisadi vəziyyəti ilə fərqlənir, əhəmiyyətli maliyyə ehtiyatlarına və aşağı səviyyəli dövlət borcuna malikdir. Lakin iqtisadi artım templəri olduqca aşağı olaraq qalır", - o deyib.

Onun sözlərinə görə, iqtisadi artım tempinin hazırkı yavaşlaması dövlətin əsaslı xərclərinin azalması, milli iqtisadiyyatın əsasını təşkil edən neft-qaz sektorunda hasilatın aşağı düşməsi, həmçinin qeyri-neft sektorunda aktivliyin zəif olması ilə bağlıdır: "Struktur islahatları aparılmasa, ölkə iqtisadiyyatının qısamüddətli və ortamüddətli artım tempinin illik 2 % aşağı səviyyədə qalması riski var. Ortamüddətli perspektivdə Azərbaycan üçün əsas vəzifə mövcud makroiqtisadi ehtiyatların yeni investisiya axınlarına, əmək məhsuldarlığının artımına və iqtisadi strukturun şaxələndirilməsindən ibarətdir. Bu, biznesin aparılması üçün şəraitin təkmilləşdirilməsi, rəqabət mühitinin gücləndirilməsi və özəl sektorun fəaliyyətinin dəstəklənməsi istiqamətində addımların atılmasını tələb edir".

Oxşar xəbərlər

İlham Əliyevin iştirakı ilə İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2