Küveyt Yaxın Şərqdə münaqişənin kəskinləşməsi fonunda ölkənin pilotsuz uçuş aparatlarının hücumlarından qorunması üçün Britaniyanın MARSS şirkətindən təxminən 489 milyon dollar dəyərində hava hücumundan müdafiə sistemi (HHM) alacaq.

"Report" "Reuters" agentliyinə istinadən xəbər verir ki, bu barədə Böyük Britaniya hökumətinin məlumatında deyilir.

Sistemə radioelektron mübarizə vasitələri, radarlar, interseptor dronlar, həmçinin süni intellektlə dəstəklənən idarəetmə mərkəzi daxil olacaq. MARSS şirkəti Londonda yerləşir və Avstraliyanın "EOS" şirkətinə məxsusdur.

Böyük Britaniyanın müdafiə naziri Con Hili ölkənin yenidən sənayeləşməsinə kömək etmək və iqtisadi artımı stimullaşdırmaq məqsədilə müdafiə sifarişlərindən istifadə etmək niyyətini açıqlayıb.

Sövdələşmə həmçinin İngiltərənin cənub-qərbindəki Bristol şəhərində yerləşən MARSS müəssisəsində mühəndis-texniki və istehsalat sektorlarında 100 iş yerinin yaradılmasını nəzərdə tutur.

Oxşar xəbərlər

Heydər Əliyev Fondunun vitse-prezidenti Leyla Əliyeva Londonda yüksəksəviyyəli iqlim dialoqunda iştirak edib

Hava Hücumundan Müdafiə bölmələri üçün 20-yə yaxın yeni hərbi obyekt istifadəyə verilib

Amnistiya aktı məntəqə tipli cəzaçəkmə müəssisəsində icra olunub

Tuapsedə PUA hücumundan sonra "qara yağış" canlılara ZƏRƏR VURUB

İlham Əliyev Cənub Qaz Dəhlizi Məşvərət Şurası çərçivəsində nazirlərin 12-ci iclasında iştirak edib