2026-cı il "Qızıl top" mükafatının favoritləri ilə bağlı yayılan məlumatların həqiqəti əks etdirmədiyi bildirilib.

Far.Az xəbər verir ki, ispan jurnalist Xuan Jezus sosial şəbəkə hesabında Fransa millisinin və Madrid "Real"ının hücumçusu Kilian Mbappenin mükafat uğrunda səsvermədə lider olduğu barədə xəbərləri təkzib edib.

Bir sıra media orqanları, o cümlədən Fransanın "L"Equipe" nəşri futbolçunun əsas favoritlərdən biri olduğunu yazmışdı.

Jurnalistin sözlərinə görə, hazırda namizədlərin özləri və onların ətrafındakı şəxslər də daxil olmaqla, heç kim səsvermənin nəticələrindən xəbərdar deyil. Buna görə də Mbappenin lider olması barədə yayılan iddiaları təsdiqlənmiş məlumat kimi təqdim etmək düzgün deyil.

Qeyd edək ki, 2026-cı il "Qızıl top" mükafatının təqdimetmə mərasiminin oktyabrın 26-da Londonda keçirilməsi planlaşdırılır. Bu il futbol dünyasının nüfuzlu fərdi mükafatının təqdimetmə mərasimi 70-ci dəfə təşkil olunacaq.

Qalib FİFA reytinqində ilk 100-lükdə yer alan ölkələri təmsil edən 100 jurnalistin səsverməsi əsasında müəyyənləşəcək.

Oxşar xəbərlər

Monreal Protokolu ilə müəyyən olunmuş tənzimlənən ozondağıdıcı maddələrin siyahısı yenilənib

Bakıda Birinci Türkoloji Qurultayın 100 illiyinə həsr olunmuş "Türk Dünyası Həftəsi"nin açılış mərasimi olub

"Oracle Advisory Group" parlament seçkilərində "exit poll"un nəticələrini açıqlayıb

SWG SPA təşkilatı Azərbaycan Milli Məclisinə keçirilən seçkilərin "exit-poll" nəticələrini açıqlayıb

Bakıda WUF13-ün Sessiyasının açılış mərasimi keçirilib, Prezident İlham Əliyev çıxış edib