Vətən müharibəsi zamanı Gəncəyə endirilən beşinci və miqyasına görə ən ağır raket zərbəsindən altı il ötür.

2020-ci il oktyabrın 17-də gecə saat 01:00-də şəhərin Aida İmanquliyeva küçəsinə ballistik raketlə hücum edilib. Nəticədə 15 mülki şəxs həlak olub, 100-ə yaxın insan yaralanıb. Onlarla ev və müxtəlif təyinatlı tikili dağıdılaraq yararsız hala düşüb.

Vətən müharibəsindən ötən müddətdə dağılan tikililər bərpa edilərək sakinlərə qaytarılıb, dəymiş maddi ziyana görə kompensasiya ödənilib. Lakin raket hücumu nəticəsində doğmalarını itirən insanların ağrısı sağalmayan yara kimi qalıb. Bu faciə onların yaddaşında Vətən müharibəsinin ən ağır izlərindən biri kimi yaşayır.

Gəncə sakini Ramiz Qəhrəmanov həmin dəhşətli gecədə baş verənləri danışıb.

"Güclü səsə oyandım. Sanki yuxuda idim. Başımı qaldıranda gördüm ki, tavan uçub, hər yan darmadağın olub. Telefonla nəvələrimə zəng etdim, amma cavab verən olmadı. Qızım və üç nəvəm həlak oldular. Bu yaranı sağaltmaq çox çətindir. Həmin yara yaşadığım müddətdə mənimlə qalacaq", - deyə o bildirib.

Oxşar xəbərlər

Vətən müharibəsində Qələbənin beşinci ildönümünə həsr olunmuş Hərbi parad keçirilib

44 günlük Vətən müharibəsi: Azərbaycanın ərazi bütövlüyünün bərpasına gedən yol

WUF13-ün beşinci günündən maraqlı anlar - FOTOREPORTAJ

Vətən müharibəsinin başlamasından 4 il ötür

Şərqşünas-alim Aida İmanquliyevanın anım günüdür