Amerikalı milyarder İlon Mask 2027-ci ildə ABŞ-də yaşayan hər bir uşağa kosmik texnologiyalar şirkəti "SpaceX"in özünə məxsus səhmlərindən birini hədiyyə edəcəyini açıqlayıb.

Far.Az xəbər verir ki, sahibkar bu barədə "X" sosial şəbəkəsindəki hesabında paylaşım edib.

Mask bildirib ki, gələn il Amerikadakı hər uşağa "SpaceX" səhmlərindən birini verəcək. O, bu addımın gələcəkdə həyata keçirməyi planlaşdırdığı oxşar təşəbbüslər silsiləsinin ilk mərhələsi olacağını da qeyd edib.

Qeyd edək ki, "SpaceX" 2002-ci ildə İlon Mask tərəfindən təsis edilib. Şirkət kosmik aparatların, daşıyıcı raketlərin və peyk sistemlərinin hazırlanması ilə məşğuldur. 2026-cı ilin fevralında "SpaceX" Maskın digər şirkəti olan "xAI" ilə birləşib.

Xatırladaq ki, daha əvvəl "SpaceX" səhmlərinin dəyərinin azalması fonunda İlon Maskın sərvətində ciddi eniş baş verdiyi bildirilmişdi. "Forbes" nəşrinin məlumatına görə, oktyabrın 13-də sahibkarın sərvəti təxminən 26,3 milyard dollar azalıb.

Oxşar xəbərlər

ABŞ Prezidenti Donald Trampın təşəbbüsü ilə yaradılan Sülh Şurası təsis edilib

İlham Əliyev Şeyx Məhəmməd bin Zayed Al Nəhyana Qarabağ atı hədiyyə edib

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Maskın davam edən şousu  - müxalif partiya yaratmaq cəhdi - ŞƏRH

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib