"Rusiya Hərbi-Texniki Əməkdaşlıq üzrə Federal Xidməti imzalanmış məqsədli proqram çərçivəsində Azərbaycan Ordusunun zirehli texnikasının təmiri üçün nəzərdə tutulan obyektlərin modernləşdirilməsi və tikintisində iştirak etməyi planlaşdırır".

Far.Az Oxu.Az-a istinadən xəbər verir ki, bunu federal xidmətin direktoru Dmitri Şuqayev "Zvezda" telekanalının efirində bildirib.

"Bu gün biz təkcə hazır məhsullarımızı təklif etmir, həm də hərbi-texnoloji əməkdaşlıqda iştirak edirik. Azərbaycan Ordusunun silahlanmasında olan zirehli texnikanın təmiri üçün obyektlərin modernləşdirilməsini və tikintisini nəzərdə tutan bütöv bir proqram imzalanıb", - deyə o vurğulayıb.

O, "Pantsir-S1" zenit raket-top komplekslərinə də toxunaraq, bu məhsula sifarişçilər arasında yüksək tələbat olduğunu qeyd edib.

"Bu komplekslər sifarişçilərimiz arasında kifayət qədər böyük tələbat görür. Düşünürəm ki, müəyyən müddətdən sonra Azərbaycanla da razılığa gələcəyik və onlar bu kompleksləri əldə edəcəklər", - deyə Şuqayev əlavə edib.

Oxşar xəbərlər

Monreal Protokolu ilə müəyyən olunmuş tənzimlənən ozondağıdıcı maddələrin siyahısı yenilənib

SWG SPA təşkilatı Azərbaycan Milli Məclisinə keçirilən seçkilərin "exit-poll" nəticələrini açıqlayıb

"Oracle Advisory Group" parlament seçkilərində "exit poll"un nəticələrini açıqlayıb

Sosioloji Tədqiqatlar Mərkəzi növbədənkənar parlament seçkilərində “exit-poll”un nəticələrini açıqlayıb

Bakıda aeroportdan şəhərin mərkəzinə neçəyə getmək olur? - QİYMƏTLƏR