Rusiya Prezidenti Vladimir Putin ölkəsinin məhkəmə icraçılarına rusiyalı vətəndaşların MDB ölkələrindəki iş yerləri, bank hesabları, gəlirləri və digər aktivləri barədə məlumat əldə etmək imkanı verən qanunu imzalayıb.

Far.Az xəbər verir ki, yeni qanun Rusiya Məhkəmə İcraçıları Xidmətinə MDB ölkələrinin müvafiq qurumlarına sorğular göndərməyə imkan yaradır.

Məlumata görə, müvafiq saziş 2025-ci ilin mayında Rusiya, Azərbaycan, Ermənistan, Qırğızıstan, Tacikistan, Belarus, Özbəkistan və Qazaxıstan tərəfindən imzalanıb.

Saziş çərçivəsində şəxslərin iş yeri, daşınmaz əmlakı, bank hesabları, nəqliyyat vasitələri, şirkətlərdəki payları və digər aktivləri barədə məlumatların mübadiləsi nəzərdə tutulur.

Bununla belə, ölkələrin məlumat paylaşımına dair müəyyən məhdudiyyətləri var. Belarus bank hesablarındakı məbləğləri və hesab sahiblərinin adlarını açıqlamadan yalnız hesabın mövcudluğunu təsdiqləyəcək. Özbəkistan bəzi qeyri-məhkəmə sorğularına cavab verməyəcək, Qazaxıstan isə bank məlumatlarının ötürülməsini milli qanunvericiliklə məhdudlaşdıracaq.

Oxşar xəbərlər

Ermənilərin Ayqut adlandırdığı Gölkənd haqqında mühüm faktlar açıqlanıb - "Qərbi Azərbaycanın yaddaş yerləri"

Azərbaycan Prezidenti İlham Əliyev yerli televiziya kanallarına müsahibə verib - YENİLƏNİB-2

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2

Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3