ABŞ milyarderi Todd Boulinin rəhbərlik etdiyi konsorsium "Lukoyl"un beynəlxalq aktivlərini əldə etməyə hazırlaşır.

"Report" xəbər verir ki, bu barədə "Reuters" danışıqların gedişatı barədə məlumatlı olan mənbələrə istinadən məlumat yayıb.

Qeyd olunub ki, sövdələşmə yaxın həftələrdə baş tuta bilər. Plan qərb investorlarına məxsus Rusiya şirkətinin dondurulmuş qiymətli kağızlarının onun xarici aktivləri ilə dəyişdirilməsini nəzərdə tutur. Bunun üçün konsorsium artıq təqribən Amerika və Britaniyanın 10 fondundan milyardlarla dollar dəyərində qiymətli kağız satın alıb.

Konsorsiuma sərmayədarlar, o cümlədən BƏƏ-nin "International Holding Company" və "Al Hail Holding" şirkətlərinin, Suriya-Qətər investorları, Mutaz və Ramez Əl-Xəyyat qardaşları, Amerikanın Beynəlxalq İnkişafın Maliyyələşdirilməsi Korporasiyası daxildir.

Daha əvvəl "Lukoyl"un Avropa, Yaxın Şərq və Afrikadakı yataqları, neft emalı zavodları və yanacaqdoldurma məntəqələrini özündə birləşdirən xarici portfeli 22 milyard dollar dəyərində qiymətləndirilib.

Təklif olunan sövdələşmə sxemi səhmlərin "Lukoyl"a birbaşa verilməsini istisna etmək üçün onların eskrou hesabında yerləşdirilməsini nəzərdə tutur. Bu şərt, əvvəlki təkliflərin ABŞ hakimiyyəti tərəfindən təsdiqlənməməsindən sonra müraciəti irəli sürməyə imkan verib.

Oxşar xəbərlər

"Kağız gətir - kitab apar" sosial-ekoloji layihəsinə start verildi

Prezident İlham Əliyev Qaradağ rayonunda kağız və gigiyenik məhsulların istehsalı müəssisəsinin açılışında iştirak edib

Azərbaycanın və BƏƏ prezidentləri Əbu-Dabidə "Sülh Qalxanı – 2026" birgə əməliyyat-taktiki təlimini izləyiblər

İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2