Qazaxıstanın paytaxtı Astanada keçirilən güləş üzrə son dünya çempionatı həqiqətən güclü rəqabət şəraitində keçib.

"Report" xəbər verir ki, bunu yunan-Roma güləşi üzrə Azərbaycan milli komandasının böyük məşqçisi Nurəddin Rəcəbov Bakıya qayıdarkən hava limanında jurnalistlərə açıqlamasında deyib.

O bildirib ki, güclü rəqiblərə baxmayaraq, Azərbaycan komandası iki qızıl medal qazanıb.

Məşqçinin sözlərinə görə, əldə olunan nəticələr idmançıların Afina Olimpiya Oyunlarına hazırlığı baxımından ümidləri artırıb:

"İdmançılarımız bu yarışlarda nəyə qadir olduqlarını hiss edirlər. Çox yüksək səviyyədə güləş nümayiş etdiriblər. Bəzi səhvlərimiz olub, onları burada ayrı-ayrılıqda sadalamağa ehtiyac yoxdur. Amma biz hazırkı nəticələrdən daha yüksək nəticə əldə edə, medallarımızın sayını artıra bilərdik. Əsas səhvimiz tələskənlik olub".

Nurəddin Rəcəbov dünya çempionatında Azərbaycanın yunan-Roma güləşçilərinin bütün ölkələr arasında ikinci yeri tutmalarının ümidverici olduğunu vurğulayıb. O, həmçinin komandanın mütəmadi olaraq təlim-məşq toplanışları keçirmək imkanı əldə etdiyini qeyd edib.

Oxşar xəbərlər

Prezident İlham Əliyev Bakı Olimpiya Stadionunun ərazisində WUF13 ilə bağlı görülən işlərlə tanış olub

Avropa çempionu olan yunan-Roma güləşi üzrə Azərbaycan millisi Vətənə qayıdıb

Üzgüçülük üzrə Azərbaycan çempionatı başa çatıb - YENİLƏNİB

Azərbaycan uşuçuları Avropa çempionatında 15 medal qazandı

İdmançılarımız Batumidə rinqə çıxacaqlar