Brüssel və Pekin yaxın zamanda Çin elektromobillərinin Avropaya idxalı üzrə rüsumların ləğvi barədə razılığa gələ bilərlər.

“Report” xəbər verir ki, bu barədə Avropa Parlamentinin beynəlxalq ticarət komitəsinin sədri Bernd Lange Almaniyanın NTV telekanalına bildirib.

“Biz Çinlə rüsumların ləğvi üçün həllə yaxınıq. Biz razılaşmaya yaxınıq: Çin Aİ-də elektromobilləri minimum qiymətdən aşağı təklif etməmək öhdəliyini götürə bilər. Bu, ədalətsiz subsidiyalar vasitəsilə rəqabətin təhrif olunması problemini aradan qaldıracaq ki, bu səbəbdən də əvvəlcə rüsumlar tətbiq edilmişdi”, – o vurğulayıb.

Parlamentari həmçinin Almaniyanın mümkün cavab tədbirləri ilə bağlı narahatlıqlarını bölüşmədiyini bildirib: o, nümunə olaraq Çin elektrobayklarına tətbiq edilən rüsumları göstərib ki, Pekin bunların tətbiqinə etiraz etsə də, sonradan bununla barışıb.

Qeyd edək ki, son aylarda Aİ və Çin arasında mediada “ticarət müharibələri” adlandırılan bir neçə böyük ticarət mübahisəsi baş verib. Belə ki, oktyabrın 29-da Avropa İttifaqı ÇXR-dən elektromobil idxalına əlavə rüsumların tətbiqini yekun olaraq təsdiqləyib: istehsalçıdan asılı olaraq bu rüsumlar 35,3 %-ə qədər təşkil edəcək. Çin artıq bu addımı ÜTT-də mübahisələndirib. Eyni zamanda, Brüssel bildirib ki, Pekinlə birlikdə alternativ həll yolunun axtarışını davam etdirəcəklər.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Bakıda COP29-un Liderlər Sammitinin açılış mərasimi keçirilib - YENİLƏNİB-2

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

VII çağırış Milli Məclisin ilk iclası keçirilib, Prezident İlham Əliyev toplantıda iştirak edib və nitq söyləyib - YENİLƏNİB-3

“Dövlət informasiya ehtiyatlarının və sistemlərinin Nümunəvi Əsasnaməsi” təsdiq edilib