"Anthropic" ticarətin pik həddində bazar dəyərinə görə "SpaceX"i geridə qoyub
Far.Az xəbər saytı

"Anthropic" ticarətin pik həddində bazar dəyərinə görə "SpaceX"i geridə qoyub


ABŞ-nin "Anthropic" texnologiya şirkəti səhmlərinin ilkin kütləvi təklifindən sonra ilk ticarət günündə bazar dəyərinə görə "SpaceX"i müvəqqəti geridə qoyub. Şirkətin təxmini bazar dəyəri 2,07 trilyon dollara çatıb.

"Report" xəbər verir ki, bunun birja ticarətinin məlumatları əks etdirir.

Bakı vaxtı ilə noyabrın 19-da saat 20:48-ə olan məlumata görə, "Anthropic"in səhmləri yerləşdirmə qiyməti ilə müqayisədə 38,55 % bahalaşaraq, hər səhm üçün 115 dollara çatıb.

"The Wall Street Journal" qəzetinin qiymətləndirməsinə görə, əlavə qiymətli kağızların potensial emissiyası nəzərə alınmaqla, "Anthropic"in səhmlərinin ümumi sayı təxminən 18 milyard təşkil edə bilər.

Bu qiymətləndirmə əsasında ticarətin pik həddində "Anthropic" bazar dəyərinə görə dünyanın ən böyük şirkətləri arasında altıncı yeri tutaraq iyunda birjaya daxil olan "SpaceX"i geridə qoyub. Həmin vaxt "SpaceX"in analoji göstəricisi 1,99 trilyon dollar təşkil edib.

Lakin ticarət sessiyasının sonunda "Anthropic"in səhmlərinin qiyməti 97,17 dollara qədər geriləyib. Bu isə ilkin yerləşdirmə qiymətindən 17,07 % yüksək olub.

Nəticədə "Anthropic"in təxmini bazar dəyəri 1,749 trilyon dollara, "SpaceX"in bazar dəyəri isə 1,965 trilyon dollara çatıb.

Oxşar xəbərlər

Polis Günündə də post başında – Bakının küçələrindən diqqətçəkən FOTOLAR
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN
Azərbaycan Prezidenti İlham Əliyev yerli televiziya kanallarına müsahibə verib - TAM MƏTN, YENİLƏNİB-2
Prezident İlham Əliyev IV Şuşa Qlobal Media Forumunun açılışında iştirak edib - YENİLƏNİB-3
İlham Əliyev "Bakı Enerji Həftəsi"nin rəsmi açılış mərasimində iştirak edib - YENİLƏNİB-3

Ən son xəbərləri bizim

"Facebook" səhifəmizdə izləyin

Digər xəbərlər