Qarşıdakı turlarda daha məzmunlu oyunlar göstərəcəyik.

"Far.Az" xəbər verir ki, bunu "Sabah"ın baş məşqçisi Vasili Berezutski "Səbail"ə qarşı Azərbaycan Premyer Liqasının XV turunun oyunundan sonra baş tutan mətbuat konfransında deyib.

O, komandanın baş məşqçisi kimi ilk matçında qələbə qazandığı üçün sevincli olduğunu söyləyib:

"Bu gün matçımız çətin keçdi. Birinci yarıda daha yaxşı oyun sərgilədik. İkinci qolu vurmağa çalışsaq da, alınmadı. Qarşıdakı turlarda daha məzmunlu oyunlar göstərəcəyik. Komandada rotasiyalar olacaq".

Rusiyalı mütəxəssis yeni təyinatı ilə bağlı danışarkən komandanın qarşısına qoyulan əsas hədəfin avrokuboklara vəsiqə qazanmaq olduğunu bildirib:

"Sabah" rəhbərliyindən təklif ani oldu. Düşünmək üçün uzun-uzadı vaxta ehtiyac olmadı. Belə bir təklifə "yox" demək istəmədim. Bu komandanın baş məşqçisi olmaq mənə çox xoşdur. Düşünürəm ki, Azərbaycan futbolu inkişaf yolundadır. Hər birimiz bu istiqamətdə irəli addımlamalıyıq".

Qeyd edək ki, XV turun görüşündə "Sabah" "Bank Respublika Arena"da "Səbail"ə 1:0 hesabı ilə qalib gəlib.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

“Araz-Naxçıvan”ın kapitanı: Avrokuboklara vəsiqə qazanmaq üçün mübarizə aparırıq - MÜSAHİBƏ

Qara Qarayev: "Neftçi"dən ayrılarkən Qriqorçuk məni qucaqlamaq istədi" - MÜSAHİBƏ

Allahverdi Əsədov: Qarabağ müharibəsindən çəkdiyim kasetlər məhv olmaq üzrədir, yiyə duran yoxdur - MÜSAHİBƏ