Almaniya hüquq-mühafizə orqanları ölkənin şimalında Elmshorn şəhərində Milad bayramı ərəfəsində (25 dekabr) böyük terror aktı hazırlamaqda şübhəli bilinə 17 yaşlı gənci saxlayıblar.

“Report” xəbər verir ki, bu barədə “Bild” qəzeti yazıb.

Gənc oğlan Miladdan əvvəl yük maşını ilə kütlənin üzərinə sürməyi planlaşdırıb. Qəzet qeyd edib ki, şübhəli şəxs bomba hazırlamaq üçün inqrediyentlər alıb, Almaniyadakı konsulluq idarələrini hədəfə alıb və ABŞ, İraq və Mərakeşdəki islamçılarla əlaqə saxlayıb.

2024-cü il martın 5-də Amerika kəşfiyyat xidmətləri Almaniyanın Federal Cinayət İdarəsi ilə əlaqə saxlayıb və bildiriblər ki, telefon dinləmələri zamanı bir gəncin İŞİD-lə əlaqəli olduğunu aşkar ediblər.

Xüsusilə, o, sosial şəbəkələrdə hücumlar həyata keçirməyə hazır olması və "kafirlərə" hücum planları barədə yazıb. Bundan əlavə, gənc yük maşını idarə etmək üçün sürücülük kurslarına gedib.

Almaniya hüquq-mühafizə orqanlarının əməkdaşları şübhəli şəxsin şəriki olduğu ehtimal edilən daha bir nəfəri saxlayıb. Onun mənzilində axtarış aparılıb və sübutlar götürülüb.

Oxşar xəbərlər

Prezident İlham Əliyev Qarabağ Universitetinin təmirdən sonra açılışında iştirak edib - YENİLƏNİB-4

ABŞ-da azərbaycanlılara qarşı bomba hazırlamaqda ittiham olunan erməni saxlanılıb

Prezident İlham Əliyev Cəbrayıl şəhərində inşa olunan yaşayış kompleksinin açılışında iştirak edib - YENİLƏNİB-2

Fransada yeniyetmə terror aktı hazırlamaqda şübhəli bilinərək saxlanılıb

İlham Əliyev V “ADEX-2024” və “Securex Caspian” sərgiləri ilə tanış olub - YENİLƏNİB-2