Cari əkin mövsümündə İmişli rayonunda 42 922,1 hektar sahədə kənd təsərrüfatı bitkiləri əkilib.

İmişli Rayon Dövlət Aqrar İnkişaf Mərkəzindən "Report"un Muğan bürosuna verilən məlumata görə, bunun 16 664,3 hektarı dənli və dənli paxlalı bitkilər, 77,7 hektarı kartof, 138,1 hektarı tərəvəz, 324,6 hektarı bostan bitkiləri, 214,7 hektarı şəkər çuğunduru, 7 033,7 hektarı pambıq və 18 469 hektarı isə yemlik bitkilərinin payına düşüb.

Rayonda 16 min hektara yaxın sahədə şum işləri aparılıb.

Bu günə kimi 15 718 hektar sahədə şum işləri yerinə yetirilib.

Həmçinin 4 137 hektar sahədə payızlıq buğda, 5 713 hektar sahədə isə payızlıq arpa toxumu səpilib. Payız əkinində 18 min hektar sahədə dənli bitkilərin əkini planlaşdırılır.

Oxşar xəbərlər

İmişlidə arpa əkininə başlanılıb

İmişlidə 18 min hektar sahədə dənli bitkilərin əkini planlaşdırılır

Bu il İmişlidə 3 200 hektar sahədə təkrar əkin işləri aparılıb 

Azərbaycanda bəzi bitkilər üzrə yalnız məhsul subsidiyası veriləcək

Salyanda dənli və paxlalı bitkilərin əkin sahəsi azalıb